25 urte bete ditugu Euskadiko konpainia eszenikoei ahotsa, lekua eta aukerak ematen. Lankidetza eta baterako esperientzia ezagutza erabilgarri bihurtzen ditugu jarduera eszenikoa gure herrialdeko kulturaren toki garrantzitsu batean sustatzeko. Eta gaur egun, eszenatokietan etorkizun hobea eraikiko dugulakoan berritzen gara.
Eskenaren 25. urteurrena dela eta, ‘(arte eszenikoen) Etorkizunerako mezuak’ antolatzen ari gara, jarduera eszenikoaz hausnartu, partekartu eta sustatzeko xedez. Azaroaren 18an eta 19an izango da. Bederatzi hizlarik arte eszenikoen sektoreak izango duen etorkizunari buruzko mezu batzuk plazaratu, hausnartu eta eztabaidatuko dituzte. Mezu horiek, era berean, hiru ikuspegitatik igortzen dira: iraunkortasuna, zentzua eta estetika, eta eszenako komunitatea.
